Novas

Apela a unha dobre implicación para seguir modernizando o rural: un cambio de mentalidade social e un compromiso dos poderes públicos. Destaca proxectos como o Plan específico para fixar poboación no agro, dotado con 230 millóns; a iniciativa impostos cero no rural; e o apoio a novas actividades non agrarias ou a proxectos de transformación industrial. Recorda que o Plan de desenvolvemento rural pon de manifesto que cada vez máis mozos teñen interese por incorporarse ao medio rural: máis de 1100 mozos incorporáronse ao agro nos anos 2016 e 2017. Salienta que os galardoados cos premios Agader mostran que é posible modernizar o medio rural con proxectos innovadores, xerando emprego e riqueza.

A conselleira visitou hoxe tres iniciativas de carácter non produtivo xestionadas polo GDR Seitura nos concellos coruñeses de Cariño, San Sadurniño e Mugardos. Trátase da mellora da accesibilidade da Casa da Cultura de Cariño, a posta en valor dun espazo verde en San Sadurniño e a creación dun comedor escolar en Mugardos. Este grupo financiou no período 2017-2018 un total de 17 proxectos, cun investimento de 1,8 millóns de euros e axudas por un valor que superou os 876.000 euros.

Resolución do 6 de setembro de 2018 pola que se publica o resultado da novena edición dos premios Agader ás iniciativas de desenvolvemento rural.

Resolucións do 29 de agosto de 2018 polas que se fan públicos os acordos de cesión en propiedade, mediante adxudicación directa e a título gratuíto, de dez de inmobles situados nos concellos de Trazo, Mesía, Coirós, Boqueixón, Boimorto e Baleira