Vostede está aquí

Novas

09.06.2022
Medio Rural pon en valor as aldeas modelo e o Proxecto Horta como iniciativas destinadas a reconectar coa natureza e promover a economía circular Medio Rural pon en valor as aldeas modelo e o Proxecto Horta
A directora xeral da Axencia Galega de Desenvolvemento Rural explicou ambos proxectos na mesa de diálogo celebrada no marco do festival New European Bauhauss Galicia
07.06.2022
O DOG publica hoxe a declaración de utilidade pública das aldeas modelo do Seixo na Gudiña, Carzoá en Cualedro, Covelo en Taboadela, Francos de Proendos en Sober e Mouteira-Parada en Cerdedo-Cotobade Declaración de utilidade pública das aldeas modelo do Seixo, Carzoá, Covelo, Francos de Proendos e Mouteira-Parada
Trátase das primeiras cinco aldeas declaradas tras a entrada en vigor da Lei de recuperación da terra agraria de Galicia e ás que se lle aplicará esta novidade, que implica o recoñecemento da existencia de razóns de interese público para a tramitación de urxencia do seu procedemento e dos informes ambientais e sectoriais respectivos. Entre todas elas, conseguirán poñer en valor máis de 130 hectáreas arredor dos núcleos de poboación que buscan dinamizar, con case 1.400 parcelas implicadas de preto de 600 propietarios. Mediante estes instrumentos, perséguese avanzar na procura da recuperación da actividade económica e social dos terreos de antigo uso agrícola, gandeiro e forestal, así como dos núcleos incluídos neles

07.06.2022
A Axencia Galega de Desenvolvemento Rural inicia a exposición pública do parcelario do proxecto básico dos Polígonos agroforestais de Cualedro e de Oímbra A Axencia Galega de Desenvolvemento Rural inicia a exposición pública do parcelario do proxecto básico dos Polígonos agroforestais de Cualedro e de Oímbra
O proxecto básico é un documento técnico que elabora a Axencia Galega de Desenvolvemento Rural unha vez que se produciu a declaración de utilidade pública do polígono agroforestal. A revisión do parcelario é a primeira das actuacións do proxecto básico e consiste na comprobación sobre o terreo da precisión do parcelario existente mediante revisión das estremas das parcelas. Unha vez elaborado o plano parcelario, someterase a exposición pública durante 20 días hábiles na páxina web da Axencia Galega de Desenvolvemento Rural e no taboleiro de anuncios do concello no que se localice o polígono agroforestal
06.06.2022
A Xunta formará á totalidade dos técnicos e responsables das diferentes Oficinas Agrarias Comarcais sobre a Lei de recuperación da Terra Agraria de Galicia
O subdirector de mobilidade de terras da Axencia Galega de Desenvolvemento Rural impartirá esta formación ao longo dos meses de xuño e xullo nas catro capitais de provincia. Cabe destacar o compromiso prioritario da Xunta coa permanente modernización e mellora das oficinas agrarias comarcais, poñendo en valor a súa condición de entidades colaboradoras para a aplicación efectiva desta lei no territorio galego

Páxinas