A continuación atópase unha lenda das distintas fases polas que pode pasar un Polígono Agroforestal, acompañadas dunha breve explicación de cada unha.
EN ACTUACIÓNS PREVIAS
Estúdase o terreo para saber se se pode levar a cabo o Polígono Agroforestal e comézanse os trámites para a posta en funcionamento.
ACORDO DE INICIO
REDACCIÓN DO PROXECTO BÁSICO
O proxecto básico é un documento técnico que elabora a Axencia Galega de Desenvolvemento Rural unha vez que se produciu a declaración de utilidade pública do polígono agroforestal.
Está definido no artigo 86 da Lei 11/2021, do 14 de maio, de recuperación da terra agraria de Galicia, e deberá conter como mínimo: o estudo de viabilidade, a revisión do parcelario afectado e a determinación de parcelas en que se presuma o estado de abandono ou infrautilización, a delimitación de exclusións de carácter produtivo, ambiental, paisaxístico e patrimonial, a investigación da titularidade das parcelas, os compromisos de adhesión ao proxecto, que deberán supor unha porcentaxe mínima do 70 % da superficie das terras incluídas no perímetro do polígono agroforestal e a proposta de reestruturación da propiedade.
