02.10.2022
Os enxeñeiros de telecomunicacións de Galicia recoñecen o modelo de Aldeas Intelixentes da Xunta
O xurado valorou que esta iniciativa “trata de garantir a dixitalización e a redución da fenda dixital en contornas rurais, da man de solucións sustentables que teñan o menor impacto posible”. A directora xeral da Axencia, Inés Santé, agradeceu unha distinción que -dixo- supón un acicate para seguir traballando nesta liña de impulsar o rural galego mediante o aproveitamento das Tecnoloxías da Información e a Comunicación. As Aldeas Intelixentes centrarán unha xornada monográfica organizada pola Xunta que terá lugar o vindeiro venres 7 de outubro na Cidade da Cultura e que está aberta ao público en xeral, que pode inscribirse na web: https://aldeasintelixentes.gal
29.09.2022
A Xunta preselecciona os 24 grupos de desenvolvemento rural de Galicia
Para o desenvolvemento das estratexias de desenvolvemento local, cada grupo contará con 35.000 euros dun orzamento total que, para esta convocatoria, ascende aos 840.000 euros. As universidades de Santiago de Compostela e de Vigo colaborarán cos 24 grupos de desenvolvemento rural na elaboración das súas estratexias
28.09.2022
A Xunta pon en valor en Lleida as máis de 9.300 hectáreas que están sendo mobilizadas a través da lei de recuperación da terra agraria de Galicia
Inés Santé puxo en valor os 21 polígonos de iniciativa pública e as 21 aldeas modelo existentes en Galicia a día de hoxe, mediante os cales se están a beneficiar máis de 9.600 propietarios de máis de 35.000 parcelas. Salientou que a Xunta traballa na posta en marcha do Banco de Explotacións, que pretende favorecer a remuda xeracional no agro galego e así darlle continuidade ás explotacións existentes. Incidiu na importancia de identificar e ordenar os usos da terra e destacou a creación dun Catálogo de solos agropecuarios e forestais, que tratará de facer unha planificación integral contemplando os usos agrícolas, gandeiros e forestais