Novas

A directora xeral da Axencia Galega de Desenvolvemento Rural mantivo hoxe unha reunión informativa con veciños implicados neste polígono de cara a avanzar no seu desenvolvemento. Nesta charla coñeceron o procedemento, recollido na Lei de recuperación da terra agraria, e un Catálogo de solos agropecuarios e forestais que se someterá a consulta pública

O conselleiro do Medio Rural e a directora xeral da Axencia Galega de Desenvolvemento Rural mantiveron un encontro coa alcaldesa desta localidade coruñesa, María Jesús Novo

A Consellería do Medio Rural ofreceu unha charla informativa sobre os obxectivos desta Lei, comprometida co avance na recuperación da actividade económica e social de terreos abandonados. Desde a entrada en vigor da norma -en maio de 2021- arredor de 10.000 hectáreas de terreo están sendo obxecto de desenvolvemento dun instrumento de recuperación de terra agraria

O Plan establece unha serie de obxectivos específicos concretados en cinco eixes estratéxicos e divididos en 37 propostas de actuación. Continuarase a traballar no desenvolvemento dos polígonos agroforestais, das aldeas modelo, das permutas de especial interese agrario e das agrupacións de xestión conxunta, así como no Plan de pastos ou na recuperación de soutos tradicionais. Ademais, finalizarase a elaboración do Mapa de usos agroforestais, proseguirá a mellora do Banco de terras e poñerase en marcha o sistema informático para a xestión do Banco de explotacións, co fin de garantir a remuda xeracional no sector primario