Novas
O polígono que se proxecta implementar implicaría 422 parcelas de 146 titulares, xerando actividade económica que contribuiría -á súa vez- á anticipación aos incendios. En Galicia hai 21 polígonos agroforestais en diferentes fases dende a entrada en vigor da Lei de recuperación, dos que 15 se atopan na provincia de Ourense.
Rustik é un proxecto de investigación de catro anos de duración (2022-2026) financiado polo programa Horizon da Unión Europea. A Axencia Galega de Desenvolvemento Rural, dependente da Consellería do Medio Rural, é un dos socios desta iniciativa que busca reforzar os procesos de transición cara a comunidades rurais máis resilientes, inclusivas, saudables e verdes. En total, participarán 31 socios procedentes de 10 países europeos (España, Austria, Alemaña, Eslovenia, Francia, Finlandia, Bulgaria, Italia, Polonia e Reino Unido).
A directora xeral da Axencia Galega de Desenvolvemento Rural, Inés Santé, abordou a Lei de recuperación da terra agraria de Galicia e as ferramentas de posta en valor que contempla. O director xeral de Planificación e Ordenación Forestal, José Luis Chan, respondeu a unha pregunta sobre a situación actual dos montes veciñais en man común.
O polígono de Vences mobilizará 22,44 hectáreas de superficie, divididas en 535 parcelas propiedade de 331 veciños e será empregado para cultivos leñosos como o viñedo. No caso do polígono de Pousada, que contará con 94 hectáreas repartidas en 663 parcelas en propiedade de 200 titulares, destinarase á plantación de castiñeiros. Na actualidade, xa son 21 os polígonos agroforestais en distintas fases de actuación existentes na nosa comunidade, dos cales 15 se atopan na provincia de Ourense. Desde a entrada en vigor da Lei de recuperación, en maio de 2021, arredor de 10.000 hectáreas de terreo están sendo obxecto de desenvolvemento dun instrumento de recuperación de terra agraria.
