Novas
Así o anunciou hoxe a directora xeral da Axencia Galega de Desenvolvemento Rural durante a súa participación no evento on line Facebook Live. Inés Santé, que estivo acompañada pola secretaria xeral da axencia, Luisa Boquete, avanzou a axenda de actividades desta entidade para 2022, na que se dará prioridade á execución das ferramentas da Lei de recuperación da terra. Outras citas destacadas serán as novas edicións de “Alma Rural”, evento centrado na posta en valor do papel da muller no agro, e dos premios ao desenvolvemento rural 2022, que terán lugar en outubro e novembro, respectivamente
A directora da Axencia Galega de Desenvolvemento Rural explicou hoxe no Parlamento os obxectivos do proxecto de compra pública de innovación Aldeas Intelixentes. O plan enmárcase no concepto de Smart Villages da Comisión Europea e ten como obxectivo a creación dun territorio rural intelixente no que se potencien os grandes valores das áreas rurais
A directora xeral da Axencia Galega de Desenvolvemento Rural reuniuse hoxe co alcalde e a tenente de alcalde deste municipio pontevedrés. Os representantes municipais achegaron as sinaturas dos veciños interesados en promover esta iniciativa, que tería un perímetro de 20,5 hectáreas e abranguería unhas 459 parcelas de arredor de 115 titulares catastrais. A intención da Consellería do Medio Rural é aprobar o antes posible esta declaración, co fin de que o núcleo se poida beneficiar das axudas aos concellos, que está previsto convocar en breve, para financiar a mellora dos servizos á poboación rural
O director da Axencia Galega da Calidade Alimentaria clausurou o acto de presentación deste proxecto no que colabora o Grupo de Desenvolvemento Rural Terras de Miranda. Trátase de pisto, marmelada de pemento, verduras mixtas, berenxena e pemento asado ou zume conseguidos mediante a transformación de máis de dúas toneladas de produto de dita asociación. Ademais do Centro de Formación e Experimentación Agroforestal Pedro Murias, beneficiaranse o CIFP Porta da Auga, a escola infantil Santa María do Campo, os colexios Gregorio Sanz e Sagrado Corazón de Jesús e o instituto Dionisio Gamallo. José Luis Cabarcos destacou a importancia de apostar pola calidade dos produtos locais e de temporada como vía para garantir a sustentabilidade económica e social do rural galego, enxalzando o papel estratéxico que xogan os comedores escolares. Aproveitou para poñer de relevo o papel do Pedro Murias como centro dinamizador da formación continua e regrada da Consellería do Medio Rural na Mariña lucense
