Novas

Anuncio do 1 de marzo de 2022 polo que se notifica o requirimento da documentación xustificativa dos investimentos subvencionados no expediente L20 1920 10 0216

A directora xeral da Axencia Galega de Desenvolvemento Rural clausurou esta primeira edición, celebrada no Pazo de Quián de Sergude. Inés Santé trasladoulles os pasos que está dando a Consellería do Medio Rural a través da Lei de recuperación da terra agraria de Galicia para poñer en valor terra produtiva que a día de hoxe se atopa en estado de abandono ou infrautilizada

O subdirector de Mobilidade de Terras da Axencia Galega de Desenvolvemento Rural mantivo un encontro con veciños deste municipio ourensán. A aldea implicaría unhas 1.138 parcelas de arredor de 112 propietarios. A xuntanza buscaba informar aos titulares das posibilidades de dinamización social e económica que ofrece este instrumento voluntario de mobilización, antes de recoller as sinaturas requiridas para a súa posta en marcha

A directora xeral da Axencia Galega de Desenvolvemento Rural e os directores xerais de Defensa do Monte e de Planificación e Ordenación Forestal asistiron á Comisión 7ª. Inés Santé puxo en valor os case 36 millóns de euros que se investirán nesta bisbarra ourensá por parte da Xunta e do Estado, uns fondos conseguidos grazas ás xestións levadas a cabo por parte do Goberno galego. Destes fondos, uns 16 millóns serán para modernizar o regadío, preto de catro -aportados pola Xunta- para a construción de 42 novos pozos de sondaxe de auga e os 16 restantes foron xestionados pola Consellería perante Madrid para a limpeza das canles e dos camiños paralelos. O director xeral de Defensa do Monte fixo balance dos lumes rexistrados no 2020 e no 2021. O director xeral de Planificación e Ordenación Forestal deu conta do traballo que realiza a Consellería para poñer couto ás plantacións ilegais e a outros incumprimentos no eido forestal