Novas
A conselleira do Medio Rural, María José Gómez, acompañada pola directora xeral da Axencia Galega de Desenvolvemento Rural, Paz Rodríguez, mantivo esta tarde unha xuntanza co alcalde de Vilanova de Arousa, Gonzalo Durán, que serviu para seguir reforzando a colaboración entre ambos departamentos a prol do rural deste municipio.
A conselleira do Medio Rural, María José Gómez, acompañada pola directora xeral da Axencia Galega de Desenvolvemento Rural, Paz Rodríguez, reuniuse hoxe co alcalde de Outes, Francisco Calo. No encontro avaliouse a colaboración entre o Concello e a Consellería para impulsar proxectos en beneficio do rural deste municipio.
A conselleira María visitou hoxe a zona para poñer en valor os avances dos diferentes programas europeos que se están levando a cabo e que promoven o desenvolvemento rural. No marco de Aldealix, estase a piques de poñer en funcionamento a rede de calor con caldeira coa que se dará servizo de calefacción a 33 vivendas da aldea a partir do aproveitamento da biomasa. Dentro de Paisactivo-Paisaxe cortalume, vén de asinarse un convenio co Concello de Monterrei para realizar unha serie de actuacións que melloren a xestión sostible dos terreos agroforestais ao mesmo tempo que se dinamiza o núcleo de poboación.
A conselleira do Medio Rural e o conselleiro de Educación, Ciencia, Universidades e Formación Profesional participaron no acto de sinatura do convenio, dotado con máis de 516.000 euros. A iniciativa dará servizo a varios edificios municipais e enmárcase no proxecto Interreg Poctep Aldealix, de uso de recursos do monte para xerar calor en pequenos núcleos coa creación de comunidades enerxéticas locais baseadas en biomasa forestal. María José Gómez salientou que o proxecto une innovación, sustentabilidade e compromiso co agro, co fin de aproveitar recursos locais para xerar enerxía sostible, mellorar a eficiencia e contribuír ao desenvolvemento da comunidade. Román Rodríguez destaca que a actuación se aliña cos obxectivos do Plan de nova arquitectura pedagóxica, que busca mellorar a eficiencia enerxética dos centros.
