Novas
A conselleira do Medio Rural, María José Gómez, acompañada polo director xeral de Defensa do Monte, Manuel Francisco; polas directoras xerais de Planificación e Ordenación Forestal, Luisa Piñeiro; e da Axencia Galega de Desenvolvemento Rural, Paz Rodríguez, mantivo hoxe un encontro coa alcaldesa de Oímbra, Ana Villarino. Nesta xuntanza analizaron as diferentes ferramentas impulsadas pola Consellería para fomentar o desenvolvemento rural e tamén os diferentes recursos a disposición dos concellos para afondar na prevención de incendios forestais.
A conselleira do Medio Rural visitou as instalacións de Efigalia Energy, en Chantada, empresa beneficiaria destas achegas para a construción dunha nave na que levan a cabo a súa actividade relacionada coas enerxías renovables. Lembrou que desde hoxe poden presentarse as solicitudes destas axudas dotadas con 28,7 millóns de euros ata 2028, a maior convocatoria da historia para o desenvolvemento rural. No pasado ano apoiáronse máis de 340 proxectos cun investimento de 12,6 millóns de euros, que permitirán crear 175 postos de traballo e consolidar outros 755 empregos.
O Diario Oficial de Galicia publica hoxe estas achegas, cuxo reparto por anualidades supón unha importante vantaxe para os promotores dos proxectos, que poderán desenvolver a súa iniciativa cunha maior marxe temporal. As persoas beneficiarias son as entidades públicas de carácter local ou comarcal, as persoas físicas e xurídicas e tamén as comunidades de montes en man común e as súas mancomunidades. Poderán financiarse proxectos de carácter produtivo vinculados á creación, ampliación e modernización de Pemes, en ámbitos como o turismo, empresas prestadoras de servizos ou industrias, entre outros. Cabe sinalar que nesta convocatoria segue a dispoñerse do Bono activa rural como unha subvención que se basea nun importe de axuda a tanto global destinado á creación e posta en marcha de actividades non agrarias nestas contornas.
A conselleira do Medio Rural, María José Gómez, mantivo no mediodía de hoxe unha reunión co alcalde no concello pontevedrés de Cuntis, Manuel Campos Velay, con quen tratou temas de interese para esta localidade sobre desenvolvemento rural e prevención de incendios forestais.
