Vostede está aquí

Novas

26.07.2021
Feijóo garante o compromiso co sector agroalimentario reflectido na Lei de recuperación da terra agraria e na Estratexia do lácteo Feijóo garante o compromiso co sector agroalimentario reflectido na Lei de recuperación da terra agraria e na Estratexia do lácteo
O presidente da Xunta visitou hoxe, en Caldas de Reis, as instalacións da fábrica de Clesa. Salienta a gran demanda de base territorial dos gandeiros, xa que das máis de 21.000 hectáreas xeolocalizadas, o 94% correspóndese coa demanda do sector bovino. Recorda que a Estratexia do lácteo, elaborada en consenso co sector, ten como obxectivos consolidar a Comunidade como como un territorio líder en produción láctea, chegando a transformar ata o 75% do leite que se produce en Galicia. Refírese ás instalacións de Clesa como un exemplo de superación grazas á unión, ao traballo conxunto e ao cooperativismo, no que CLUN desempeñou un papel fundamental para que esta planta multiplicase por dezasete o seu volume de vendas
26.07.2021
A Xunta pon en valor a riqueza forestal de Cervantes e o seu potencial para recuperar terra A Xunta pon en valor a riqueza forestal de Cervantes e o seu potencial para recuperar terra
A directora xeral da Axencia Galega de Desenvolvemento Rural e o director xeral de Planificación e Ordenación Forestal visitaron hoxe este concello lucense. Os representantes da Consellería do Medio Rural explicaron a un grupo de veciños deste municipio as vantaxes de poñer en marcha un proxecto de aldea modelo e coñeceron tamén varios montes de varas. Cervantes salienta por rexistrar preto do 30% da superficie total galega de montes de varas, uns terreos para os que a Xunta está tramitando un decreto específico de desenvolvemento normativo, co fin de fomentar a súa recuperación e xestión activa
24.07.2021
A Xunta valora a posibilidade de implantar un sistema baseado na internet das cousas para a xestión da gandaría extensiva nas aldeas modelo A Xunta valora a posibilidade de implantar un sistema baseado na internet das cousas para a xestión da gandaría extensiva nas aldeas modelo
A directora xeral da Axencia Galega de Desenvolvemento Rural, Inés Santé, visitou esta semana a aldea modelo de Trascastro, do concello lucense do Incio. O proxecto expón a extensión dunha rede de datos que dea cobertura a toda a aldea a través de sensores e que permita recibir información en tempo real en diferentes dispositivos. Tamén se prevé a instalación de sensores tanto nos bebedoiros coma nos pastores eléctricos co fin de controlar e estar ao tanto de posibles incidencias. Gracias ao uso deste tipo de tecnoloxías contribúese á xeración de valor engadido e á sostibilidade dos seus produtos, o que favorece precisamente o desenvolvemento de certificacións como a do leite de pastoreo
23.07.2021
Feijóo constata a gran demanda de terra que existe en Galicia con preto de 1.000 solicitudes para recuperar unhas 21.400 hectáreas xeorreferenciadas ao abeiro da manifestación de interese de proxectos do sector primario Feijóo constata a gran demanda de terra que existe en Galicia
Afirma que esta terra se mobilizará a través dos instrumentos incluídos na Lei de recuperación da terra agraria de Galicia. Subliña que un dos proxectos tractores opta a mobilizar 18.000 hectáreas de terra abandonada para explotacións agrícolas, gandeiras e forestais xunta á posta en marcha de 200 aldeas modelo.

Páxinas