Vostede está aquí

Novas

09.03.2024
A Xunta define a nova cociña comunitaria da aldea modelo de Muimenta como exemplo das pancas dinamizadoras impulsadas pola Lei de recuperación Nova cociña comunitaria da aldea modelo de Muimenta
José González destacou as posibilidades das instalacións para ser usadas, dentro do plan de dinamización de Muimenta, no eido formativo e laboral -como apoio do Espazo Agrario de Experimentación-, ademais dun uso asistencial e recreativo para os veciños. Esta cociña comunitaria permitirá dar soporte ás actividades produtivas agrícolas da aldea modelo, o que favorecerá o desenvolvemento da contorna. O proxecto, que rehabilita unha propiedade municipal, contou con 150.000 euros de financiación procedentes da liña de axudas da Xunta para a creación, mellora e ampliación de servizos básicos locais en aldeas modelo e polígonos agroforestais.
04.03.2024
A Xunta define os plans de dinamización das aldeas modelo coma “unha referencia sólida” para impulsar un deseño xeral de rexeneración dos núcleos rurais plans de dinamización das aldeas modelo
José González debullou os requisitos básicos para desenvolver estes núcleos, que pasan polo súa rehabilitación integral, o impulso da actividade económica, a planificación preventiva fronte aos incendios e a aposta polas “aldeas intelixentes”. Neste sentido, proxectos como os presentados hoxe polos universitarios -e que se encadran no plan de dinamización de Muimenta- nacen da colaboración pública e privada co obxectivo, remarcou, de potenciar os centros urbáns das aldeas. O titular do Medio Rural en funcións tamén lembrou que esta aldea modelo activará este ano o primeiro Espazo Agrario de Experimentación de Galicia, con 15 hectáreas dedicadas á agricultura ecolóxica, especialmente a cultivos de horta. A iniciativa de Muimenta contará con tres parcelas de traballo, nas que se situarán outros tantos invernadoiros, cinco hortas e un sistema de regadío, para facilitar que emprendedores poidan probar o seu negocio nunha contorna favorable.
04.03.2024
A Xunta inicia o procedemento de aprobación do polígono agroforestal de Cabreira, en Salvaterra de Miño, e o declara de utilidade pública e interese social Polígono agroforestal de Cabreira
A superficie desta iniciativa, enmarcada na Lei de recuperación da terra agraria, é de 22,21 hectáreas, e está distribuída en 237 parcelas de 148 propietarios. Ten por obxecto prioritario pór en produción áreas de terra agroforestal con boa capacidade produtiva, en progresivo estado de abandono ou infrautilización, recuperando deste xeito unha acaída actividade de explotación agrícola ou forestal. A zona delimitada está na área de actuación da Denominación de Orixe Rías Baixas, existindo unha gran demanda de terreos para a mellora da estrutura territorial de explotacións. Na actualidade estanse a desenvolver un total de 30 polígonos agroforestais de iniciativa pública en toda Galicia, que se atopan en distintas fases de execución.
04.03.2024
O DOG publica hoxe a declaración de utilidade pública e interese social do polígono agroforestal de Remuíño, no concello ourensán da Arnoia Polígono agroforestal de Remuíño
Esta iniciativa, enmarcada na Lei de recuperación da terra agraria, porá en valor 224 hectáreas, distribuídas en 6.753 parcelas de 780 propietarios. Ten por obxecto prioritario pór en produción áreas de terra agroforestal con boa capacidade produtiva, en progresivo estado de abandono ou infrautilización, recuperando deste xeito unha acaída actividade de explotación agrícola ou forestal. Na actualidade, tendo en conta o de Salvaterra de Miño, estanse a desenvolver un total de 30 polígonos agroforestais de iniciativa pública en toda Galicia, que se atopan en distintas fases de execución. Isto supón un total de 9.323 hectáreas mobilizadas.

Páxinas