Novas

A directora xeral da Axencia Galega de Desenvolvemento Rural clausurou hoxe o Programa de Aceleración de Mulleres Emprendedoras do Medio Rural. Recoñeceu a importancia de iniciativas como esta que contribúen a crear redes, compartir experiencias, gañar confianza e atopar posibles colaboracións para seguir impulsando proxectos que son exemplo do talento existente nestas contornas. Desde a Consellería apóiase a este tipo de iniciativas empresariais que favorecen a dinamización do rural e, por iso, a convocatoria do Leader deste ano conta cun orzamento histórico de 28,7 millóns de euros para o período 2026-2028.

A directora xeral da Axencia Galega de Desenvolvemento Rural, Paz Rodríguez, apostou por un territorio que “ten que estar vivo” na apertura do Foro Territorios Patrimonio en Sober. Sumouse ao desexo de que a Ribeira Sacra reciba o recoñecemento como Patrimonio da Humanidade, pero sinalou que “pase o que pase, hai algo que xa temos: o orgullo de contar cun territorio único e cunha xente que leva anos demostrando o seu valor”. Fixo especial fincapé no papel do viño como factor de desenvolvemento desta zona e na súa importancia á hora de definir unha paisaxe única a través da viticultura heroica.
 

A conselleira do Medio Rural presidiu hoxe unha xuntanza de traballo cos GDR, na que avaliaron a execución destes fondos e puxeron en valor a súa contribución á creación de emprego e á fixación de poboaciónGómez destacou a repercusión desta medida na comunidade, xa que permite impulsar o desenvolvemento rural a través dunha estratexia participativa e que garante ademais a participación activa dos principais axentes locais nestas políticas. Lembrou que neste 2026 se publicou a maior convocatoria da historia destas axudas, cun orzamento de 28,7 millóns de euros para o período 2026-2028.

O Goberno galego colaborou co proxecto con senllas axudas do Igape e de Agader, a través do GDR Terras de Lugo.