Novas

A directora xeral da Axencia Galega de Desenvolvemento Rural presidiu o acto que tivo lugar na Cidade da Cultura. Na primeira consulta preliminar, 124 pemes e 44 corporacións presentaron un total de 168 propostas coas que dar resposta a un ou a varios dos retos propostos pola Consellería do Medio Rural. Inés Santé instou agora a remitir proxectos para avanzar na xestión intelixente de servizos, na valorización de produtos agroalimentarios, nas decisións para actividades agrarias ou nun sistema enerxético integral

Inés Santé tratou coa rexedora a posibilidade de avanzar na rede de infraestruturas de ocio deste municipio. No encontro abordáronse as oportunidades de dinamización do territorio que ofrece o programa Leader, neste caso, no marco dos proxectos non produtivos que representan un interese público, social ou colectivo para a zona na que se rexistran. A Asociación de Desenvolvemento Galicia Suroeste Eu Rural, que abrangue 15 concellos incluído Oia, promoveu un total de 51 proxectos que foron aprobados no período 2014-2020 cunha achega pública superior aos 3,3 millóns de euros

Segundo o tratado entre Inés Santé e o rexedor, a iniciativa implementarase en parte da aldea modelo de Muimenta e centrarase probablemente na horta ecolóxica. Mentres, o resto da aldea volverá someterse á concorrencia competitiva, ao ter recibido o consistorio propostas de produtores interesados na súa explotación. Cabe lembrar que a aldea modelo de Muimenta abrangue 29,14 hectáreas distribuídas en 242 parcelas de 1.639 propietarios

As Guías de Ordenación Produtiva son un documento técnico no que se definen os usos produtivos máis acaídos para a explotación das parcelas incluídas na Aldea Modelo.
Os borradores de guías de ordenación produtiva sométense a información pública polo prazo dun mes durante o que se poderán realizar as achegas e alegacións que se consideren oportunas, mediante escrito dirixido á directora xeral da Axencia Galega de Desenvolvemento Rural