Novas
A conselleira do Medio Rural, María José Gómez, e o alcalde de Cerdedo-Cotobade, Jorge Cubela, asinaron hoxe un convenio de colaboración para realizar traballos de restauración na ponte de Pedre, neste concello pontevedrés. O acto, ao que tamén asistiu a directora xeral da Axencia Galega de Desenvolvemento Rural, Paz Rodríguez, serviu para formalizar unha actuación que suporá un investimento conxunto por ambas partes de algo máis de 86.000 euros. Os labores centraranse na limpeza vexetal e recuperación deste elemento patrimonial e da súa contorna.
A directora xeral da Axencia Galega de Desenvolvemento Rural, Paz Rodríguez, e o director da Axencia Galega da Calidade Alimentaria, Martín Alemparte, reuníronse hoxe con responsables do Colexio Oficial de Enxeñeiros Agrónomos de Galicia.
A directora xeral da Axencia Galega de Desenvolvemento Rural, Paz Rodríguez, reuniuse esta tarde co alcalde do concello ourensán da Peroxa e presidente do Grupo de Desenvolvemento Rural Adercou, Manuel Seoane, para avaliar os avances en materia de mobilización de terras nesta localidade.
A conselleira do Medio Rural, María José Gómez, mantivo unha reunión de traballo co alcalde de Muíños, Plácido Álvarez. Na xuntanza, que se desenvolveu na Delegación territorial da Xunta en Ourense, participou tamén o seu titular, Manuel Pardo, o director xeral de Defensa do Monte, Manuel Rodríguez, e a directora xeral da Axencia Galega de Desenvolvemento Rural, Paz Rodríguez.
