Novas
Trasladou os seus parabéns aos premiados e finalistas destes galardóns e louvou as súas traxectorias que, destacou, “encaixan perfectamente cos valores, a filosofía e os criterios de actuación que promovemos desde a Consellería do Medio Rural”. Os premiados nesta edición foron a Banda de Música Unión de Guláns; o Ecomuseo el país del abeyeiro; Agadea; Solpor Camper Park Experiencie; Moexmu; Outonía Sociedade Cooperativa Galega; Muiñeiras de Requiande e a Aldea Modelo de Meixide na Veiga- Como finalistas quedaron Artio Nutrición; Máis ca leña; a asociación Aixiña; Aldea do Mazo; Enflor Agroecoloxía; Matria, cheas de vida; Calabizo e a Recuperación de terras abandonadas e posta en funcionamento no Incio (Lugo).
A conselleira visitou este establecemento de restauración, que comezou a súa actividade cunha axuda do programa Leader. A titular de Medio Rural puxo tamén en valor a aposta do Goberno galego por fomentar o emprendemento e a diversificación de actividades no agro, así como por apoiar o labor dos agricultores e gandeiros. A Xunta lembra que no último período de programación do Leader aprobáronse en Galicia 1.495 proxectos, que permitiron crear un total de 933 postos de traballo e consolidar outros 3.256.
A conselleira do Medio Rural visita en Outes este establecemento de restauración que comezou a súa actividade cunha axuda de preto de 50.000 euros procedentes do programa Leader. María José Gómez salienta o esforzo que realiza a Xunta para dinamizar o agro galego e para fomentar o emprendemento, así como a diversificación de actividades neste eido e para apoiar o labor dos agricultores e gandeiros. A aposta dos chefs Eva Guzmán e Fernando Rodríguez polo emprego dos produtos de proximidade e o impulso dinamizador deste negocio na contorna son outros dos efectos positivos remarcados pola titular de Medio Rural. A Xunta lembra que no último período de programación do Leader aprobáronse 1.495 proxectos, que permitiron crear un total de 933 postos de traballo e consolidar outros 3.256 en toda Galicia.
A conselleira do Medio Rural visitou unha serie de actuacións levadas a cabo no municipio, entre as que se atopan tamén o acondicionamento do mercado municipal e a mellora de camiños, cun investimento total duns 680.000 euros. María José Gómez tamén se desprazou aos terreos nos que está proxectada a posta en marcha do polígono agroforestal de Mandelos, que abranguerá unha superficie de 45,04 hectáreas de 183 propietarios.
