Novas
A conselleira do Medio Rural visita en Outes este establecemento de restauración que comezou a súa actividade cunha axuda de preto de 50.000 euros procedentes do programa Leader. María José Gómez salienta o esforzo que realiza a Xunta para dinamizar o agro galego e para fomentar o emprendemento, así como a diversificación de actividades neste eido e para apoiar o labor dos agricultores e gandeiros. A aposta dos chefs Eva Guzmán e Fernando Rodríguez polo emprego dos produtos de proximidade e o impulso dinamizador deste negocio na contorna son outros dos efectos positivos remarcados pola titular de Medio Rural. A Xunta lembra que no último período de programación do Leader aprobáronse 1.495 proxectos, que permitiron crear un total de 933 postos de traballo e consolidar outros 3.256 en toda Galicia.
A conselleira do Medio Rural visitou unha serie de actuacións levadas a cabo no municipio, entre as que se atopan tamén o acondicionamento do mercado municipal e a mellora de camiños, cun investimento total duns 680.000 euros. María José Gómez tamén se desprazou aos terreos nos que está proxectada a posta en marcha do polígono agroforestal de Mandelos, que abranguerá unha superficie de 45,04 hectáreas de 183 propietarios.
Acordo do 29 de novembro de 2024 de puntuación PROVISIONAL primeira fase.
A conselleira María José Gómez visitou a almazara da Arnoia, en Ourense, e definiu esta construción como un exemplo de patrimonio arquitectónico vinculado ao rural. Destacou as medidas da Xunta para mobilizar terras e poñelas en produción, tales como as parcelarias ou as ferramentas da Lei de recuperación da terra agraria. Sinalou que a Xunta apoia os cultivos emerxentes con medidas de ordenación, fomento e promoción, tales como leis, axudas ao sector ou campañas de divulgación.
