Novas
A conselleira María José Gómez recibiu no seu despacho de San Caetano ao alcalde estradense, Gonzalo Louzao, nunha xuntanza na que tamén participou a directora xeral da Axencia Galega de Desenvolvemento Rural, Paz Rodríguez. No encontro avaliáronse diferentes asuntos relacionados fundamentalmente coas infraestruturas rurais e coa posta en valor de terras mediante as concentracións parcelarias e as ferramentas da Lei de recuperación.
A conselleira do Medio Rural, María José Gómez, acompañada polo director xeral de Defensa do Monte, Manuel Rodríguez, e pola directora xeral da Axencia Galega de Desenvolvemento Rural, Paz Rodríguez, reuniuse esta tarde co alcalde de Rianxo, Julián Bustelo.
Trasladou os seus parabéns aos premiados e finalistas destes galardóns e louvou as súas traxectorias que, destacou, “encaixan perfectamente cos valores, a filosofía e os criterios de actuación que promovemos desde a Consellería do Medio Rural”. Os premiados nesta edición foron a Banda de Música Unión de Guláns; o Ecomuseo el país del abeyeiro; Agadea; Solpor Camper Park Experiencie; Moexmu; Outonía Sociedade Cooperativa Galega; Muiñeiras de Requiande e a Aldea Modelo de Meixide na Veiga- Como finalistas quedaron Artio Nutrición; Máis ca leña; a asociación Aixiña; Aldea do Mazo; Enflor Agroecoloxía; Matria, cheas de vida; Calabizo e a Recuperación de terras abandonadas e posta en funcionamento no Incio (Lugo).
A conselleira visitou este establecemento de restauración, que comezou a súa actividade cunha axuda do programa Leader. A titular de Medio Rural puxo tamén en valor a aposta do Goberno galego por fomentar o emprendemento e a diversificación de actividades no agro, así como por apoiar o labor dos agricultores e gandeiros. A Xunta lembra que no último período de programación do Leader aprobáronse en Galicia 1.495 proxectos, que permitiron crear un total de 933 postos de traballo e consolidar outros 3.256.
