Novas
A titular do departamento asistiu esta mañá a este evento, ao que definiu como unha das citas gastronómicas máis importantes da comunidade. María José Gómez sinalou que se trata dunha moi boa oportunidade para poñer en valor as producións agroalimentarias que se realizan desde as contornas rurais, favorecendo a fixación de poboación nestas zonas.
A directora xeral da Axencia Galega de Desenvolvemento Rural, Paz Rodríguez, mantivo hoxe unha reunión co alcalde das Somozas, Juan Alonso Tebra. Este encontro serviu para presentar o procedemento de elaboración do catálogo de solos e para concretar os trámites a seguir para a súa aprobación.
A directora xeral da Axencia Galega de Desenvolvemento Rural, Paz Rodríguez, xunto co presidente da Asociación dos Grupos de Desenvolvemento Rural, José Antonio Santiso, mantivo hoxe unha reunión con representantes Zwit Project. Este encontro serviu para avaliar un proxecto de cooperación de territorios rurais intelixentes.
A titular deste departamento, María José Gómez, asinou esta mañá un novo convenio coa Comunidade Xeral de Regantes Nova Limia para garantir a viabilidade financeira das actuacións de aproveitamento deste regadío. Poderanse levar a cabo as obras de modernización contempladas no convenio asinado entre a Comunidade de Regantes e a Sociedade Estatal de Infraestruturas Agrarias (Seiasa) do Plan de Recuperación, Tranformación e Resiliencia da Economía Española. Gómez asegurou que se trata dunha “actuación estratéxica” que traerá consigo importantes repercusións positivas tanto para o desenvolvemento socioeconómico da zona como para a potenciación do sector agrario da comarca.
