Novas
A directora xeral de Desenvolvemento Rural, Paz Rodríguez, reuniuse este mediodía en San Caetano con diferentes alcaldes da provincia de Ourense para continuar impulsando o proxecto de limpeza de canais do regadío da Limia. No encontro de traballo participaron os rexedores municipais da Porqueira, Sandiás, Sarreaus, Trasmiras, Vilar de Barrio, Vilar de Santos, Xinzo de Limia e Xunqueira de Ambía.
A titular do departamento, María José Gómez, visitou o parque interxeracional promovido polo Grupo de Desenvolvemento Rural Ulla Tambre Mandeo, que foi beneficiario da medida Leader cunha axuda de algo máis de 87.000 euros. Ademais, a conselleira tamén puxo en valor as achegas vinculadas ao Plan Marco 2024-2025 para a mellora de camiños de acceso a parcelas agrícolas, cunha aportación de case 69.000 nesta localidade.
Os modelos habilitaranse na sede electrónica da Xunta de Galicia, no enderezo https://sede.xunta.gal, e figurarán na Guía de procedementos e servizos. Trátase de facilitar a inclusión dunha explotación no Banco por parte das persoas titulares que pretendan cesar na súa actividade ou ben o acceso a unha explotación do Banco a aquelas persoas interesadas no seu arrendamento ou adquisición. O proceso de transmisión de explotacións estará tutelado pola Administración autonómica, a través da rede de oficinas rurais.
Rueda salienta que o obxectivo é “facilitar a transmisión de case 140 explotacións” ata 2026. Trátase dunha plataforma para poñer en contacto aos propietarios que deixan unha explotación e a cidadáns interesados en poñerse ao fronte. O presidente destaca que contará “cun visor público” que “permitirá localizar e visualizar as características” dos negocios inscritos no Banco. O Goberno autonómico tamén destinará 2,1 M€ a unha nova liña de axudas para promover a continuidade das explotacións viables mediante a transmisión. O proceso de transmisión de explotacións estará tutelado pola Administración autonómica, a través da rede de oficinas rurais, de forma que calquera persoa interesada poderá dirixirse á súa oficina para informarse sobre este tema e recibir asesoramento.
