Novas
O conselleiro do Medio Rural, José González, acompañado pola directora xeral da Axencia Galega de Desenvolvemento Rural, Inés Santé, reuniuse esta mañá en San Caetano co alcalde de Sandiás, Felipe Traveso. Na xuntanza avaliáronse diferentes asuntos de interese para o agro deste municipio limiao, así como de mellora de infraestruturas rurais.
O conselleiro do Medio Rural, José González, acompañado polo director xeral de Defensa do Monte, Manuel Rodríguez, e a directora xeral da Axencia Galega de Desenvolvemento Rural, Inés Santé, reuniuse esta mañá en San Caetano co presidente da Mancomunidade da Mancomunidade da Comarca do Carballiño e alcalde de San Amaro, Fernando Redondo, xunto con persoal da mesma, para abordar temas de interese para os concellos que compoñen esta entidade supramunicipal -San Amaro, O Irixo, Boborás e Beariz-.
O conselleiro do Medio Rural, José González, acompañado pola directora xeral da Axencia Galega de Desenvolvemento Rural, Inés Santé, mantivo unha xuntanza co alcalde da Estrada, José López, para abordar unha posible colaboración entre a Axencia e este municipio en materia de reestruturación e posta en valor de terra a través das figuras que facilita a lexislación autonómica vixente.
José González salientou a colaboración entre Galicia e Portugal, que tamén participa nesta iniciativa, na loita contra os incendios forestais e no desenvolvemento de estratexias de acción para o futuro. O proxecto busca poñer en valor e mellorar a xestión sostible dos terreos agroforestais, ao mesmo tempo que se protexen e dinamizan os asentamentos rurais, cun orzamento logrado a través do Fondo Europeo de Desenvolvemento Rexional. Nesta liña, o titular do Medio Rural destacou outra proposta que conta con fondos europeos a partir das aldeas modelo, “Aldealix”, lanzada este mesmo mércores para impulsar comunidades enerxéticas baseadas en biomasa no territorio rural nas aldeas modelo de Infesta (Monterrei) e Parada-Mouteira (Cerdedo-Cotobade). No 2024, destacou, remataranse os proxectos de ordenación produtiva das 21 aldeas modelo de Galicia, continuarase cos pilotos dos plans dinamización de catro delas e poranse en marcha os primeiros Espazos Agrarios de Experimentación de Galicia.
