Novas
A directora xeral de Axencia Galega de Desenvolvemento Rural, Inés Santé, participou hoxe na primeira xornada en Folgoso do Courel deste encontro, que conta co apoio da Asociación de Grupos de Desenvolvemento Rural de Galicia e de Red Asturiana de Desarrollo Rural. Pola mañá, os participantes visitaron a aldea modelo de Moreda, exemplo das ferramentas dispoñibles na Lei de recuperación da terra agraria de Galicia. Os asistentes, entre os que se atopaban directora xeral de Agricultura, Agroindustria y Desarrollo Rural e o director xeral de Reto Demográfico do Principado de Asturias, analizaron os avances na materia dentro do novo programa LEADER 2023-2027, a través do que a Xunta disporá de preto de 58 millóns de euros para axudas.
José González, acompañado por Inés Santé, e Josefina Suárez analizaron as diferentes ferramentas da Lei de recuperación de terra agraria de Galicia e, en vindeiras datas, o titular do Medio Rural manterá un encontro con veciños para presentarlle as súas vantaxes. O orzamentos do 2024 contemplan un investimento de 7,4 millóns de euros para seguir potenciando o desenvolvemento de polígonos agroforestais e aldeas modelo.
O conselleiro do Medio Rural e a directora xeral da Axencia Galega de Desenvolvemento Rural mantiveron unha reunión de traballo co alcalde desta localidade.
Xa o ano pasado a Axencia Galega de Desenvolvemento Rural aumentara un 21% o seu importe para os orzamentos do 2023 con respecto ao ano anterior. Inés Santé referiuse aos 7,3 millóns de euros destinados a implementar polígonos agroforestais e aldeas modelo, ademais de outras accións vencelladas á Lei de recuperación, que en total contará en 2024 con 10,5 millóns de euros para seguir avanzando no seu desenvolvemento. No eido da dinamización do territorio rural, puxo de relevo o incremento do 8% no orzamento do Plan Marco, que permitirá lanzar unha nova convocatoria para as anualidades do 2024-2025 dotada con 19,5 millóns de euros. Ao abeiro do programa Leader, anunciou que contará cun orzamento de 21,25 millóns de euros, o que supón un incremento do 30% con respecto ao do vixente ano para o apoio a proxectos e o funcionamento dos 24 grupos de desenvolvemento rural. Por último, destacou o proxecto de Compra Pública de Innovación no que participa a Axencia, Aldeas intelixentes, solucións de futuro para aldeas sostibles, cuxo orzamento aumenta en máis dun 950% ata acadar os 2 millóns de euros.
